وينك يلكلت عيناك توكفلي بالضيج *** وصلت تراها وياي حد بلعت الريج
يا فلان اجاك وليد حظك غلبني .. اوصل لباب الدار يبجي ويردني
أرجه اليموت يعود روحي أمهبوله ... طبگت عليه الگاع ما بعد أنوله
شفت الضوا من بعيدگلت احترگنا... لمن وصلت البيت لن ولفي عدنا
اركض ولم فلوس ما اعرف المن ... يوم لجفن ولتابوت يم راسي حضرن
البالبحر غركان ويمدلك ايدة ... انتا افتهم مولاي شنهو اليريدة
تركض تلم فلوس شكد رايد تعيش ... هوة الجفن بي جيب مثل الدشاديش
اهلا وسهلا بيك صارت قديمة ... افرشلك العينين والكلب خيمة
شماتي مو شمات شماتي ورطة ... نصهم حرس واجرام والباقي شرطة
سود العيون كبار والحلك محبس ... ويحرسك رب الكون من دلع تلبس
شما تقول الناس عندي انتة الاول ... سو كلشي بالدلال يا حلو مخول
يالمشرف ارد أنخاك والنخوه هينه ... الدارمي الدزيته تكدر تبينه
انه الصرت جتال وانته الضحيه ... جا هيه بالمكلوب جا هيجي هيه
اگعد بنص الليل واذكر وليفي ... وبحجة الحلمان ابچي على كيفي
حبك يا بعد الروح بگليبي شمعة ... تتحول من تذوب بعيوني دمعة
برنو عيون هواي والمشط بيهه ... والعده سبع ارواح ما يصد ليهه
اطلك لي سبع سنين شفت العجايب ... تالي أطرحت ياناس ذبيته شايب
جيت اسئل المحتل وين النفط صار ... جاوبني هالعصفور مثل الهوه طار
شجره وحدرهه الناس تتفيه وتنام ... خلتني بالعاكول اتفيه الايام
راح البلد ياصاح ،راحت اغانييه ... حرامي واحد راح ، أجوا حراميــــه
ارد انشد العقال واهل العداله ... لو نشف ملح الزاد شنحط بداله؟
لو نشف ملح الزاد حط ماي العيون ... فانهم ترى يا فلان ماسخ يكولون
اسمر واخاف عليك من ممشى الغروب ... جاهل وبعده صغير ما يندل دروب
الرئيسية 
البوابة 
أحدث الصور 
التسجيل 
دخول 
الأحد يونيو 03, 2007 1:45 pm