صگري الأزامط بيه طاغي اعله الصگور
يتعنه للكلفات وجناحه مكسور
صگري الأزامط بيه ضل بالسمه ايدور
ياوسفه طاح وصار للخضرة ناطور
صگري الأزامط بيه ياوسفه كضوه
وبقفص من فولاذ مربوط خلوه
صح الشعر چلمات عالورق مكتوب
بس منحفر معناه ابوسط الگلوب
فخخت روحي اليوم كل هذا لجلك
ولو مارضوا ينطوك أنفجر بهلك
وشجابة للغراف طير المجررة
سابيهة كلهة الناس وحيرني بأمره
هم الليالي تعود واتعاتب وياك؟؟؟
احچايه للشمات خلاني فركاك!!!
يالي صديقك خان بالك تطخ راس
ودوس على گلبك حيل ولتشمت الناس
كافي يصاحب عاد غدرك بالضلوع
اضحك گبال الناس وگليبي مشلوع
حاولت أخلي الناس بالحب مايدرون
بس بالدمع ياناس فضحنني العيون
يـاخلي لـو صـديـت گلـبي يريـدك
مـوت وحـياة الـروح ياخلي بيدك
لا يا وليف الـروح لا تنســـــى ودي
مالي غرض بالناس بس انته عندي
جيتك بقايا انسان ايدي على خدي
گلـبـك صخـر مالان يالعـفت ودي
ليش التريده الروح نكطةابحر صار
...والما تريده الروح ابكل الاكتار
الرئيسية 
البوابة 
أحدث الصور 
التسجيل 
دخول 
الأحد مايو 27, 2007 8:39 pm
